کراچی میں نجی ویلفئیر ادارے نے راشن کی تقسیم کے ساتھ سندھ حکومت کو قرنطینہ سینٹر کےلئے جگہ دینے کی پیشکش کردی ہے۔ انتظامیہ کے مطابق سولجزبازار میں قائم جگہ کو وباء کے خاتمے تک وقف کیاجائیگا۔

 کراچی سمیت ملک بھر میں کورونا کی وباء سے ہر ادارہ لڑنے کو تیارہے۔ اعوان قریش ویلفئیرنے سولجز بازار میں قائم کمیونٹی جگہ کو قرنطینہ کےلئے وقف کرنے کا عزم کرلیا۔

ادارے کےجنرل سیکریٹری شیخ ارسلان کاکہنا ہےکہ سندھ حکومت اور آرمڈ فورسز کو پیشکش کرتے ہیں کہ کمیونٹی کی اس جگہ کو قرنطینہ بنادیاجائے، تاکہ اس وباء کا جلد از جلد خاتمہ ممکن ہو۔

 عہدیداروں کا کہنا ہےکہ راشن کی تقسیم سے لے کر عوام کی ہر ممکن مددکو تیار ہیں ۔

 ملک میں مختلف ادارے رضاکارانہ طور پر قابل تحسین کردار ادا کررہے ہیں،حالت وباء میں ہر شہری اگر خود احتیاط کرے تو صورتحال کو جلد قابو کرلیاجائیگا۔